महाराष्ट्र राज्य विद्युत वितरण कंपनी लि., पारेषण आणि वितरण या कंपन्यांमध्ये एकूण ३६ हजार ७६४ पदे रिक्त आहेत. त्याचा विपरीत परिणाम उपलब्ध मनुष्यबळावर आणि पर्यायाने राज्यभरातील विद्युत ग्राहकांच्या सेवेवर होतो.

वितरण, पारेषण व निर्मिती कंपनीमध्ये अनुक्रमे २५८६५, ६५६४ व ४३३५ पदे रिक्त आहेत. त्यात सर्वाधिक संख्या हि वेतन गट – ३ व ४ च्या पदांची आहे. तीनही कंपन्यांमधील रिक्त पदांची टक्केवारी ३२.७८ एवढी आहे. म्हणजेच ६७ टक्के मनुष्यबळावर वीज कंपन्यांचा राज्यभरातील डोलारा उभा आहे. वेळीच पदोन्नती न देणे, सरळसेवा भरती न करणे यामुळे रिक्त पदांचा हा अनुशेष निर्माण झाला आहे. वीज वाहनापोटी पारेषण कंपनी २९ पैसे प्रती युनिट दराने वितरण कंपनी कडून पैसे वसूल करते. संचालन, सुव्यवस्था व बांधकामांच्या माध्यमातून वीज वहनाचे जाळे वाढविण्याचे काम पारेषण कंपनी करते. परंतु त्या तुलनेत मनुष्यबळ भरतीवर जोर दिला जात आहे.

अन्य MSEB संदर्भातील जाहिराती 

• Mahavitaran Bharti New Advertisement
• महावितरण अकोला भरती (Mahavitaran Akola bharti 2020) 
• लातूर येथ महावितरण भरती  – १६५ पदे 
• महावितरण अपरेंटीस भरती २०१९ (३० पदे )
• महानिर्मिती भरती २०१९ (१६८ पदे) 

राज्याची २०१७ पर्यंतची वीज निर्मिती स्थापित क्षमता १३ हजार ६०२ मेगावॉट एवढी आहे. वीज निर्मिती प्रकल्प अधिनियमाखाली मोडत असल्याने ओव्हर टाईमवर मोठ्या प्रमाणावर खर्च होतो. मात्र त्यानंतरही रिक्त पदांच्या भरतीबाबत फारसे गांभीर्य दिसत नाही. थेट वीज ग्राहकांशी संपर्क येणाऱ्या वीज वितरण कंपनीत अन्य दोन कंपन्यांच्या तुलनेत पाच पट अधिक रिक्त पदे आहेत. या रिक्त पदांच्या भरतीकडे पदोन्नतीच्या प्रतीक्षेतील वीज कर्मचारी आणि सुशिक्षित – तांत्रिक बेरोजगारांचे लक्ष लागले आहे. नोकरभरतीसाठी लढा देणाऱ्या संघटनांनीही या रिक्त पदांबाबत वीज कंपन्यांच्या व्यवस्थापनाकडे हात टेकल्याचे दिसते.

सोर्स : लोकमत